筆者因為種種原因,在人生中總共參加過十個ocamp之多,組仔、跟組OC,Ozc和組爸都曾做過。O camp季節在即,筆者希望趁這機會分享一點擔任組爸媽的心得,希望讓並非單純只為做獸父獸母的朋友作參考之用。

1. 組爸媽既最重要職責,就係組仔女玩得開心、並且有所得著; 淨係為自己玩得開心,不如自己同fd租渡假屋罷啦。

2. 無論任何一個組仔女令你性興奮,請係ocamp完左之後先好有進一步行動;做得組爸媽,就應該係camp期間對所有組仔女一視同仁,公平對待,唔係就會重複附圖果位豆腐爸爸俾人恥笑既悲劇。

3. 每個組仔女既性格、優點缺點都唔同,唔好強迫任何一個組仔女做佢唔想做既野,亦唔好單憑佢地投唔投入ocamp活動就論斷佢地既為人。

4. 組仔女可以唔投入,但做得組爸媽就有責任自己玩得high玩得放,等組仔女可以安心咁同你一齊hyper,當然前提係如果佢地想既話。

5. 任何有關集體決策既遊戲或活動,記住放手俾組仔女自己傾同決定;就算出錯、輸game都好,都係一個難得既學習機會。搞清楚自己角色,千祈唔好takeover屬於組仔女既迎新營。

6. 無論班組仔女有幾乞你憎,ocamp完之前千祈唔好棄佢地於不顧。完左ocamp後搞唔搞或者出唔出席re-u你有你自由,但係一日個camp未完,你身為組爸媽既責任都仲係度,camp未完就唔理組仔女,會令未正式開始大學生活既佢地對大學有一個極差既印象。其實佢地有咩待人接物既問題,你大可以用師兄師姐既身份,心平氣和咁同佢傾下。

7. Camp開始之前,諗下呢兩個問題:“Freshmen想得到d咩?”同埋“我想令freshmen得到d咩?” 心中準備好自己既答案。